DAGBÓK KRÓGABÓL

03.05.2012 Sveitaferð.
Mánudaginn 7. maí ætlum við að fara í sveitaferð að Stóra-Dunhaga í Hörgársveit. Lagt verður af stað með rútu frá Krógabóli kl. 9.30 og áætluð heimkoma er um kl. 11.30. Í sveitaferðinni skoðum við kýrnar, kindurnar, lömbin einnig er í boði að fara á hestbak.

Foreldrar eru velkomnir með en þurfa að fara á sínum bílum. Það kostar 500 kr. á hvern einstakling og þurfa foreldrar að borga fyrir sig þegar í sveitina er komið en foreldrafélag Krógabóls greiðir fyrir leikskólabörnin. Þeir foreldrar sem koma með í sveitaferðina bera ábyrgð á sínum börnum á meðan á heimsókninni stendur.

Athugið klæðnaður fer eftir veðri en munum eftir stígvélum og hlífðarbuxum.

 20.04.2012 Leikskólinn er lokaður föstudaginn 20. apríl vegna námskeiðsdags
29.03.2012  Á morgun föstudag kl 9:20 verður danssýning upp í safnaðarheimili kirkjunnar. Það er Anna Richardsdóttir gjörningadanslistakona og Camilo dansari sem ætla að hafa sýningu fyrir börnin. Foreldrafélag Krógabóls er að bjóða upp á þessa sýningu fyrir leikskólann. Sjáið myndir hér

25.03.2012  Í dag fórum við niður í bæ að syngja ásamt öðrum skólum í tilefni að afmæli akureyrarbæjar. Sjáið nokkrar myndir hér

09.03.2012 Starfsmannafundur. Mánudaginn 12. mars er leikskólinn lokaður frá kl.12.15-16.00 vegna starfsmannafundar.

17.02.2012 Í dag var dygðastund í leikskólanum og fór hún þannig fram að börnunum var skipt í hópa óháð aldri og deild. Farið var í leiki á svæðunum og í lokin var farið í stóra halarófu og allir fóru inn á sína deild. Sjá myndir hér

09.02.2012. Flutningur barna á milli leikskóla.
Á hverju ári berast skóladeild Akureyrar umsóknir þar sem foreldrar óska eftir að flytja börn sín á milli leikskóla innan bæjarins. Að gefnu tilefni vill skóladeild benda á eftirfarandi: Aðalinnritun í leikskóla fer fram í apríl/maí ár hvert, því er mikilvægt að allar beiðnir um flutning hafi borist skóladeild Akureyrar fyrir 30. mars ár hvert. Ef umsóknir berast eftir þann tíma er ekki hægt að tryggja að flutningur geti átt sér stað fyrir væntanlegt skólaár. Hægt er að fylla út umsókn rafrænt á heimasíðu skóladeildar: http://skoladeild.akureyri.is, undir umsóknir.

01.02.2012. Leikskólinn verður lokaður mánudaginn 6. febrúar 2012 vegna skipulagsdags.

05.01.2012 Mánudaginn 2. janúar 2012 byrjaði Ottó Hólm Reynisson í 100% afleysingum, við bjóðum hann velkominn.

05.01.2012. Föstudaginn 30. des. hættu Laufey Kristjánsdóttir, Regína Rósa Harðarsdóttir og Katrín Ósk Ómarsdóttir en þær voru allar ráðnar í afleysingar í stuttan tíma, við þökkum þeim fyrir og gott samstarf.

02.01.2012 Ný gjaldskrá fyrir leikskóla er komin á netið undir velkomin á Krógaból. Einng er hægt að sjá hana hér

28.12.2011 Kæru foreldrar og börn við óskum ykkur öllum gleðilegra jóla og farsældar á komandi ári þökkum gott samstarf á árinu sem er að líða. Kennarar og starfsfólk Krógabóls

14.12.2011 Starfsmannafundur. Foreldrar athugið að mánudaginn 2. janúar 2012 lokar leikskólinn kl.12.15 vegna starfsmannafundar

08.12.2011 Í dag var leikskólanum breytt í kaffihús og máttu börnin fara út um allan leikskólann. Sjá nokkrar myndir hér
 

08.12.2011  Jólaball Krógabóls verður haldið þriðjudaginn 13. des. kl.14.30 uppi í Safnaðarsal Glerárkirkju. Englakórinn (elstu börnin) syngja 3-4 jólalög, síðan er dansað í kringum jólatréð og jólasveinar koma í heimsókn.
Ætlast er til að foreldrar mæti með sínum börnum. Mætum öll í betri fötunum. 
Veitingar í boði leikskólans og foreldrafélagsins

Jólakveðja kennarar Krógabóls

 

08.11.2011 Kæru foreldrar - þriðjudaginn 13. desember verður jólaball Krógabóls í Glerárkirkju frá kl 14:30. Nánar auglýst síðar
-

04.11.2011 Minnum á að föstudaginn 11. nóvember lokar leikskólinn kl. 12:15 vegna starfsmannafundar.

10.10.2011 Þessa vikuna erum við að vinna í Heilsubók barnsins þannig að skipulagt starf eins og hópastarf, vettvangsferðir og fleira fellur niður og við nýtum vel góða veðrið úti.
 

22.09.2011 Kæru foreldrar - föstudaginn 30. september er leikskólinn lokaður allan daginn vegna skipulagsdags.
 

31.08.2011. Í dag byrjaði  Kamilla Helgadóttir nemandi í
9. bekk í Glerárskóla í starfskynningu, hún verður á mánudögum og miðvikudögum frá kl. 8.15-13.00 í Hreiðrinu.
Fimmtudaginn 1. sept. kemur Íris Hrönn Kristinsdóttir leikskólakennari inn úr
fæðingarorlofi, hún fer í 50% sérkennslustjórastöðu f.h. Við bjóðum þær velkomnar.

25.08.2011 Í dag er Hjalti Jónsson að hætta hjá okkur og fara aftur í skólann til að klára sálfræðinám. Við þökkum honum fyrir samveruna og óskum honum góðs gengis í skólanum.
 

24.08.2011 Skóladagatal 2011-2012 er komið  inn á síðuna. Nánar hér

23.08.2011 Mánudaginn 22. ágúst byrjuðu í leikskólanum Linda Björnsdóttir leikskólakennari í 100% starfi, hún er ráðin í eitt ár og verður á Öspinni og Laufey Kristjánsdóttir leiðbeinandi í 100% hún verður í afleysingum fram að áramótum.

22. 08.2011 Föstudaginn 26. ágúst nk, lokar leikskólinn kl. 12:15 vegna starfsmannafundar.

22.08.2011 Samið var við leikskólakennara laugardaginn 20. ágúst og verkfalli  aflýst sem átti að hefjast mánudaginn 22. ágúst.
 

19.08.2011 Eftirfarandi er tilkynning frá Skóladeild Akureyrarbæjar:
Ágætu foreldrar !
Félag leikskólakennara hefur boðað til verkfalls mánudaginn 22. ágúst 2011.Ef af verkfalli verður hefur það í för með sér að leikskólar Akureyrarbæjar verða að mestu lokaðir á meðan á verkfalli stendur. Leikskólastjórar og aðstoðarleikskólastjórar eru í Félagi stjórnenda leikskóla og fara því ekki í verkfall, en ef aðstoðarskólastjóri er jafnframt deildarstjóri má hann taka við börnum af sinni deild. Þessi undantekning nær til leikskólanna Holtakots, Pálmholts og Sunnubóls. Þessir aðstoðarskólastjórar geta tekið við nokkrum börnum, en fjöldinn ræðst af því hvað börnin eru gömul og vistunartíminn ræðst af stöðuhlutfalli aðstoðarskólastjórans sem deildarstjóra. Leikskólastjórar í þessum leikskólum munu hafa samband við sína foreldra.
Leikskólarnir Hlíðaból og Hólmasól eru einkareknir leikskólar og þeir verða opnir.

Foreldrar er hvattir til að fylgjast vel með fréttum og gangi mála.
Fyrir hönd skóladeildarinnar
Hrafnhildur G. Sigurðardóttir
leikskólafulltrúi

04.08.2011 Sonja Kro deildarstjóri á Spóanum er komin í árs leyfi og við hennar stöðu tekur Guðný Rut Gunnlaugsdóttir sem hefur verið deildarstjóri á Hreiðrinu. Og þar sem Guðný Rut er komin í árs leyfi frá Hreiðrinu mun Svanhildur Dóra Björgvinsdóttir taka við hennar stöðu sem deildarstjóri.

Einnig er búið að ráða Írisi Hrönn Kristinsdóttir sem sérkennslustjóra á leikskólanum. Íris er búin að vera í fæðingarorlofi og námsleyfi frá leikskólanum þar sem hún er að klára masterinn í sérkennslufræðum.

14.07.2011 Minnum á að leikskólinn verður lokaður frá 18. júlí og opnar aftur þriðjudaginn 16. ágúst. Einnig minnum við á að 26. ágúst lokar leikskólinn kl 12:15 vegna starfsmannafundar. Hér er hægt að sjá alla lokun skólaárið 2011-2012.

01.07.2011 Nú getum við sett inn langþráðar sumarmyndir af börnunum í leik í þessu frábæra veðri sem við fengum í dag. Það var dansað, krítað og þau blésu sápukúlur.
 

01.07.2011  Rósa Mjöll Heimisdóttir sérkennslustjóri er hætt og er að fara að kenna í Brekkuskóla,við þökkum henni fyrir gott samstarf á undanförnum árum og óskum henni góðs gengis á nýja vinnustaðnum.
 

   ELDRI FRÉTTIR 

Gestabók

Leikskólastjóri Anna R. Árnadóttir
Aðstoðarleikskólastjóri Jórunn E. Jóhannesdóttir
Bugðusíða 1 603 Akureyri
Netfang: krogabol@akureyri.is
Símanúmer leikskólans eru þessi:
Sími: 4627060 Fax. 4627061
Eldhús      4606220
Öspin        4606222
Björkin      4606223
Spóinn      4606224
Lóan         4606225
Hreiðrið     4606226

Krógaból er 5 deilda leikskóli
Hreiðrið 2 -3 ára
Lóan og Spóinn 3-4 ára
Björkin og Öspin 4-5 ára
Barnafjöldi 108
Leikskólinn er opinn frá kl. 7.45-16.15

Skóladagatal 2011-2012


Hitastigið á Akureyri